Vegna ósemju við sitandi FLOT nevnd, hevur undirritaði valt at taka seg úr øllum arbeiði fyri FLOT. Hetta merkir millum annað, at hendan heimasíða ikki verður dagførd longur, men tvørtur ímóti tikin av alnetinum um ikki so langa tíð, umframt at allar teldupostadressur við økisnavninum “flot.info” verða gjørdar óvirknar. Hetta hevur ikki beinleiðis nakað við hesa ósemju at gera, men heldur ein avleiðing av at eg persónliga havi keypt økisnavnið, bygt heimasíðuna upp, og uttan samsýning rikið hana fyri FLOT, ta tíð sum hendan nevnd hevur sitið.
Fyrstu 2 minuttirnir eru ógvuliga áhugaverdir, her av serbiska heimsmeistaranum í 50 firvald, Milorad Čavić. Vit royndu tað í hylinum í kvøld, og tað ‘klikti’ bara hjá øllum svimjarunum í senn.
Komandi týskvøld klokkan 20 royndarkoyra vit fyri fyrstu ferð eitt nýtt slag av venjing á Toftum, sum vit hava valt at kalla fyri “venjaravenjing”. Hetta er eitt tilboð til serliga venjararnar hjá FLOT, at sleppa í hylin eina ferð um vikuna at svimja nakrar metrar, fyri síðan í felag at royna okkurt svimjitekniskt uppá sín egna kropp. Tú kanst kalla tað eitt slag av masterssvimjing, blandað upp við regluligum repetitiónum av tí sum man lærir til dømis á merkjaskipanar-skeiðunum, og við royndarkoyring av øllum tí nýggja sum kemur fram innan svimjiteknikk.
Á sum hon kláraði seg væl í Álandi. Gull, landsliðsmet og oyggjaleikamet í 4×50 blandað og 4×100 blandað, og eisini gull fyri at fáa 4×50 frí stafettina í finalu. Bronsu í 100 rygg. Juniormet í 50, 100 og 200 rygg, og gull og gullnál í 50 rygg, við tíð undir 30 sekund. Fantastiskt Birita!
Aja, onkuntíð følist tað ikki heilt so galið, at missa ein svimjara til fótbóltin. Ikki at eg ivaðist… tí kundi hann finta meg, so kundi hann finta allar
Úrvaldir svimjarar á fyrstaliðnum hava í longri tíð ferðast til Klaksvíkar mikudagar, til at kunna venja í 25 metra hyli. Og nú royna vit so Havnina eisini, við stórari vælvild frá Havnar Svimjifelag. Ein fín venjing, í dýrdarveðrinum leygardag.
Her er tað Astrið sum svimur 50 frí uppá tíð, saman við millum øðrum Guðruni H. Jacobsen:
Okkara Birita varð á Føroyameistarstevnuni vald til ársins stjørnuskot hjá kvinnum, við atkvøðugreiðslu millum venjarar í øllum feløgum. Eg vil geva Bjarnasyni rætt, at kappingin má hava verið hørð millum hana, Poulu Ø. Mohr úr Fuglafjarðar Svimjifelag og Ceciliu Eysturdal úr Ægir, serliga nú eftir FM, og okkara uppgáva er tí nú at gera hana og Astrið til meira enn ‘one-trick-wonders’, sum bara duga tað heilt stutta (væl).
Folkens… harðari venjing, fleiri metrar, tyngri vektir og meira tíð
